ძილი, ძილი, ძილი…

თქვენ ახლა უპრეცედენტო პოსტის მოწმენი გახდებით:) ეს პოსტი განსაკუთრებულია 2 მიზეზის გამო:

1. იწერება ღამის 1 საათზე, რაც ბლოგის ისტორიაში პირველად ხდება:)

2. თემა(დროიდან გამომდინარე) გახლავთ ძილი

რა საჭიროა ძილი? რაში სჭირდება ადამიანს საკმაოდ დიდი დროის საწოლში, პასიურ მდგომარეობაში გატარება?

ასეთ კითხვებზე ალბათ თქვენც გიფიქრიათ და გინატრიათ, რომ ნაკლები გეძინოთ.

მეცნიერებმა დაასკვნეს, რომ სიფხიზლის დროს ადამიანის ორგანიზმში გროვდება განსაზღვრული ნივთიერებები, რომელთაც ძილის ფაქტორები უწოდეს. სწორედ ეს ფაქტორები იწვევენ ტვინის “დაღლას”. ამ ნივთიერებების ნეიტრალიზაციისთვის საჭიროა ძილი, რომლის დროსაც ძილის ფაქტორები იშლება და ტვინი ისვენებს, რათა აქტიური ცხოვრება განაგრძოს. ასეა თეორიულად, მაგრამ თვით ეს “ძილის ფაქტორები” მეცნიერებმა ვერაფრით აღმოაჩინეს. ასევე უპასუხოდ რჩება კითხვაც, რაში სჭირდება ადამიანს ცხოვრების მესამედის საწოლში, არაპროდუქტიულ  მდგომარეობაში გატარება, თუმცა უბრალო ცხოვრებისეული გამოცდილება გვიჩვენებს, რომ ძილი სასიცოცხლოდ აუცილებელია ადამიანისთვის.

ძილი, ისევე როგორც საკვები და ჰაერი, აუცილებელია ყველა ცოცხალი ორგანიზმისათვის. ძილის დროს დუნდება კუნთები, რომლებიც მთელი დღის განმავლობაში დაძაბულ მდგომარეობაში იმყოფება, რათა შეაკაოს ჩვენი სხეული მჯდომარე ან ვერტიკალურ მდგომარეობაში; ისვენებს ნერვული სისტემა; მიმდინარეობს კანის უჯრედების განახლება. ამიტომ, ხანგრძლივად სიფხიზლე, წყვეტილი ძილი და ძილი უხერხულ მდგომარეობაში ანგრევს ჯანმრთელობასა და ამოკლებს სიცოცხლის ხანგრძლივობას.

ამავე დროს, უძილობის პრობლემა ყოველწლიურად სულ უფრო მეტი ადამიანისათვის ხდება ცნობილი. რა არის ამის მიზეზი და არსებობს თუ არა საიმედო საშუალებები ამ უბედურებისაგან თავის დასაღწევად?

არსებობს უამრავი მიზეზი, რომელიც უძილობას იწვევს, მაგრამ ჩვენს დროში მთავარ მიზეზად შეიძლება ნერვული გადაღლილობა ჩაითვალოს. განსაკუთრებით აისახება იგი ჯანმრთელობაზე რეგულარული ფიზიკური დატვირთვების უქონლობისას. ამიტომ ნუ იჩქარებთ ამაში თქვენი ოფისის ატმოსფეროს დადანაშაულებას – შესაძლოა ამის მიზეზი მოძრაობის უკმარისობა იყოს. ამ შემთხვევაში დასკვნა აშკარაა: ეცადეთ მეტი იმოძრაოთ, ნუ გამოიყენებთ ლიფტს. თუ არ გაქვთ იმის შესაძლებლობა, რომ სატრენაჟორო დარბაზები მოინახულოთ, მაშინ შესაძლებლობის ფარგლებში სამსახურში ფეხით იარეთ, ხოლო შაბათ-კვირას მონახეთ დრო და ახლობლებთან ერთად გადით ქალაქგარეთ.

ასევე, ნერვული დაღლილობის მოსახსნელად სასარგებლოა აბაზანის მიღება ძილის წინ 10-15 წუთის განმავლობაში. წყლის ტემპერატურა – 38-40 გრადუსი უნდა იყოს. ასეთი აბაზანა უფრო ეფექტური იქნება, თუ მასში ჩაუმატებთ დამამშვიდებელ ბალახებს ან ეთერზეთებს.

ხოლო თუ რაიმე კონკრეტული პრობლემები გაწუხებთ, რომელთა გადაწყვეტა ჯერ არ შეგიძლიათ, უმჯობესია დახმარებისათის ფსიქოლოგს მიაკითხოთ. იგი შეგირჩევთ მოდუნების ტექნიკას, რომელიც კერძოდ თქვენ გამოგადგებათ და დაგეხმარებათ არსებულ სიძნელეებს სხვა მხრიდან შეხედოთ.

თუმცაღა უძილობის მიზეზი ყოველთვის ემოციური მხარე არ არის. ხშირადაა იგი გამოწვეული ფიზიკური დისკომფორტითაც. ამ შემთხვევაში გთავაზობთ შეამოწმოთ, კარგადაა თუ არა განიავებული ძილის წინ თქვენი საძინებელი, საკმარისად მოსახერხებელია თუ არა თქვენი ბალიში და ლეიბი, ხომ არ შემოდის ოთახში ზედმეტი სინათლე ან ხმაური. სავსებით შესაძლებელია, რომ რომელიმე, ერთი შეხედვით შეუმჩნეველი ფაქტორი იწვევდეს თქვენს უძილობას.

ასევე, სწრაფი ჩაძინების უქონლობის მიზეზი შეიძლება იყოს რეჟიმის არ არსებობა – ეცადეთ ერთსა და იმავე დროს დაწვეთ დასაძინებლად, ამასთან, ვახშამი დაძინებამდე 2-3 საათით ადრე უნდა მიირთვათ. სპეციალისტები გვარწმუნებენ, რომ ყველაზე სასარგებლო საათები ძილისათვის სწორედ შუაღამის წინა საათებია.

რა თქმა უნდა გასათვალისწინებელია ის ფაქტორიც, რომ ძილის მოთხოვნილება სხვადასხვა ადამიანებს სხვადასხვანაირი აქვთ, მაგრამ მისი საშუალო მაჩვენებელი დაახლოებით 8 საათია ზრდასრულ ადამიანებში. არსებობენ ადამიანები, რომელთათვისაც 6 ან სულაც 5 საათიანი დასვენება სავსებით საკმარისია. თუ ამ კატეგორიას განეკუთვნებით, თავს ნუ გაიწვალებთ და ნუ აიძულებთ უფრო დიდხანს ძილს, რადგან საჭიროზე მეტი ძილი, ისევე, როგორც მისი უკმარისობა- ჯანმრთელობაზე უარყოფითად აისახება.

N.G.

This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s